Papa na oana bilong toktok bilong dispela websait.
(Copyright ©)
Copyright em i wanem samting?
Olgeta toktok mi putim long dispela websait i gat copyright i stap long em. Tok copyright i makim papa na oana bilong toktok. Lo bilong copyright i olsem, yu no ken i kisim toktok narapela man i raitim na yusim olsem em i tok bilong yu yet. Na yu no ken i kisim toktok narapela man i raitim na senisim nabaut. Na yu no ken i kisim toktok narapela man i raitim na wokim buk samting olsem em i buk samting yu yet i raitim na wokim. Na yu no ken i yusim toktok narapela man i raitim bilong pulim mani. Sapos yu laik yusim toktok narapela man i raitim, orait yu mas kisim orait bilong papa na oana bilong toktok pastaim. Olgeta manmeri i mas rispektim na bihainim lo bilong copyright.
Husat i makim copyright bilong dispela websait?
Mi, J Glenn Calderwood, i tokaut na toksave olsem, mi papa na oana bilong toktok bilong dispela websait. Olgeta toktok mi raitim na mi putim long dispela websait i stap copyright bilong mi tasol.
Bilong stretim tingting mi laik tok klia olsem, tok i stap long Nupela Tok Pisin Baibel em i Tok bilong God, na mi, J Glenn Calderwood, i tanim tok tasol, na dispela tok mi tanim tasol i gat copyright bilong mi i stap long em.
Papa bilong toktok i mekim copyright i stap isi.
Mi laik toktok mi tanim na toktok mi raitim long dispela websait i stap bilong helpim ol manmeri bilong PNG. Long dispela as mi givim orait bilong mi long ol manmeri i ken i yusim dispela toktok mi tanim na toktok mi raitim. Em olsem tasol mi putim wanwan lo i stap bilong kliaim tingting bilong yu long orait bilong mi.
Wanwan copyright lo bilong olgeta toktok mi putim long websait:
1. Yu wanpela yu laik yusim bilong yu yet, orait yu ken i yusim.
2. Yu laik yusim long sios bung bilong yu, orait yu ken i yusim, tasol yu mas tokaut klia olsem, “©2018 J Glenn Calderwood. Websait: pngbibleresources.org”.
3. Sapos yu laik yusim bilong wokim ol liklik buk samting bilong givim long ol manmeri bilong kongregesen bilong yu, orait yu ken i yusim, tasol yu mas raitim ples klia insait long liklik buk olsem, “©2018 J Glenn Calderwood. Websait: pngbibleresources.org”.
4. Sapos yu senisim nabaut toktok mi bin raitim, oriat yu mas makim toktok yu senisim na mekim klia olsem yu bin senisim toktok.
5. Sapos yu laik yusim long ol narapela samting, orait yu mas raitim pas long mi na tokaut klia long yu laik yusim bilong wanem samting, na bai mi bekim na tokim yu i orait o nogat.
The above Tok Pisin description is a guide only and is intended to facilitate a basic understanding of the copyright permissions for this website.
Except where otherwise noted content on this site by J Glenn Calderwood is licensed under a Creative Commons Attribution-ShareAlike 4.0 International License.
