Ol Provep

¹Gutpela nem i winim planti mani,
na wanbel bilong manmeri i winim silva na gol.
²Maniman na rabisman i stap long wanpela mak tasol;
BIKPELA i bin wokim tupela wantaim.
³Man i gat save na i skelim gut tru olgeta samting, taim em i lukim trabel em bai hait,
tasol man i no gat save, em bai wokabaut i go na kisim pen.
⁴Pasin bilong daunim yu yet na pret long BIKPELA
bai kisim ol gutpela samting na ona na laip i kam.
⁵Rop i gat nil na trep i stap long rot bilong ol manmeri nogut;
man i lukautim laip bilong em yet bai i stap longwe long ol dispela kain manmeri.
⁶Trenim pikinini long bihainim rot bilong em mas i go,
na taim em i lapun pinis em bai wokabaut yet long dispela rot.
⁷Ol maniman ol i bosim ol man i no gat mani,
na man i kisim dinau em i slev bilong man i givim dinau.
⁸Man i tromoi sit bilong pasin i no stret na fea bai havesim bagarap,
na stik bilong bel hat bilong em bai feil.
⁹Man bilong givim helpim, em yet bai lukim blesim,
long wanem, em i serim kaikai bilong em wantaim manmeri i sot.

¹⁰Rausim man bilong tok bilas na yu rausim trabel;
tok pait na tok nogut bai pinis.
¹¹Man i lavim klinpela bel na i man bilong toktok isi,
king bai i stap pren bilong em.
¹²Ai bilong BIKPELA em i lukautim trupela save,
tasol Em i kapsaitim tok bilong ol man i no feitful.
¹³Lesman i tok, “Wanpela laion i stap autsait!
Laion bai kilim mi long rot!”
¹⁴Maus bilong meri yu no ken i kisim em i wanpela hul i dip tumas;
man BIKPELA i bel hat long em bai pundaun long dispela hul.
¹⁵Longlong i pas tumas long bel bilong pikinini,
tasol kanda bilong stretim bai rausim dispela pasin longwe long em.
¹⁶Man i daunim ol rabisman bilong kisim planti mani moa,
na man i givim presen long ol maniman,
bai tupela i sot tru tasol.

30-pela tok bilong man i gat trupela save.

Tok namba 1

¹⁷Tanim ia bilong yu i kam na harim tok bilong man i gat trupela save,
na putim bel bilong yu i go long save bilong em,
¹⁸long wanem, taim yu holim trupela save long tingting bilong yu na trupela save i redi long maus bilong yu, dispela i naispela tumas.

¹⁹Mi skulim yu tude, yes mi skulim yu,
bai trastim bilong yu i pas olgeta long BIKPELA.

²⁰Mi raitim 30-pela toktok bilong yu,
gutpela stia tok wantaim trupela save,
²¹bai yu ken i save long wanem samting i stret na tru,
na bai yu ken i givim trupela ensa long man i givim askim long yu.

Tok namba 2

²²Yu no ken i stilim ol samting bilong rabisman bikos em i wanpela rabisman tasol,
na yu no ken i krungutim ol man i gat hevi na i sindaun long ples kot,
²³long wanem, BIKPELA bai difenim ol,
na Em bai sotim laip bilong man i sotim rabisman.

Tok namba 3

²⁴Yu no ken i kamap met bilong man bilong belhat,
na yu no ken i raun wantaim man bilong kros,
²⁵nogut yu lainim pasin bilong em
na yu banisim yu yet long wanpela trep.

Tok namba 4

²⁶Yu no ken i stap man bilong sekan na mekim promis;
yu no ken i promis long baim dinau bilong wanpela man.
²⁷Sapos yu no fit long baim dinau bilong em,
ol bai kam rausim yu na karim metres bilong yu yet i go.

Tok namba 5

²⁸Yu no ken i muvim ston bilong bodamak ol tumbuna papa bilong yu i bin putim long bipo.

Tok namba 6

²⁹Lukluk long man i save gut tru long wok bilong em,
em bai mekim wok bilong ol king;
em i no inap mekim wok bilong ol man i no gat nem.