Moning.
Mi laik stori liklik long Habakuk. Habakuk em i wanpela profet bilong God na yumi ken i lukim stori bilong em long Buk Habakuk long Olpela Testamen long Baibel. Stori bilong Habakuk i longpela liklik, olsem na mi laik sotim sotim bilong yumi ken i kisim as bilong toktok bilong em.
Habakuk i pilim hevi. Long wanem? Em i lukim ol lain bilong em, em ol lain Juda, na em i lukim ol i givim baksait long God. Ol i givim baksait long God na ol i bihainim ol kainkain pasin nogut. Ol i bagarapim sindaun bilong ol manmeri na ol i bagarapim haus na gaden bilong ol. Kros pait bilong ol i kamap bikpela samting stret. Ol trupela samting em i no save kamap strong, na ol man nogut i daunim ol gutpela man na ol i save paulim ol samting i stret. Habakuk i lukim ol dispela samting na em i pilim hevi.
Na God i tokim Habakuk olsem, “Mi bai kirapim na strongim ol lain Babilon, na Mi bai kisim ol i kam bilong mekim save long yupela long sin bilong yupela.” Na Habakuk i pilim hevi moa.
Sapos yu laik lukim na skelim olgeta stori bilong Habakuk, orait yu ken i go long “Autim Tok” long pngbibleresources.org na yu ken i lukim 6-pela toktok bilong Buk Habakuk….
Tok namba 1.
God tasol i bosim histori bilong dispela graun. (1) Habakuk 1:1-11.
Stori bilong Habakuk em i trupela histori bilong em wantaim ol lain bilong em.
God i tokaut long as na minim bilong dispela trabel i kamap long Habakuk wantaim ol lain bilong em.
Ol lain Juda i givim baksait long God na long dispela as God i kirapim na strongim ol lain Babilon bilong mekim save long ol.
- God i stap, na God tasol i save bosim na kontrolim olgeta samting bilong dispela graun.
- God bai mekim save long manmeri i givim baksait long Em.
- Yumi no ken i tingim olsem, God bai larim yumi manmeri bilong PNG.
- Na God i no inap larim yu sapos yu save givim baksait long God na bihainim ol kainkain sin pasin.
Tasol, hop i stap. Lukim 1 Jon 1:9 na 1 Jon 4:9-10….
Tok namba 2.
God tasol i bosim histori bilong dispela graun. (2) Habakuk 1:1-11.
- Pasin i stap insait long PNG i no nupela samting i kamap long ol lain bilong God.
- Yumi mas larim God i stap God.
- Yumi mas strong long bihainim trupela wei bilong God.
- Yumi mas prea long God na askim Em long mekim wok bilong Em i kamap strong.
Tok namba 3.
God Em i holi na Em i bosim stret olgeta samting. (1) Habakuk 1:12 – 2:20.
- Fes komplen bilong Habakuk.
- Sekon komplen bilong Habakuk.
- God i bekim komplen bilong Habakuk.
God Em i holi na Em i bosim stret olgeta samting.
Tok namba 4.
God Em i holi na Em i bosim stret olgeta samting. (2) Habakuk 1:12 – 2:20.
- Yumi papa bilong olgeta sin yumi save mekim.
- Long ai bilong God sin em i sin.
Ol manmeri i bilipim na trastim feitful wok bilong Jisas long diwai kros na ol i tanim bel na bihainim Em, orait ol i no inap pret long God i mekim save long ol long sin bilong ol. Long wanem? God i bin kotim na stretim pinis olgeta sin bilong ol.
Tok namba 5.
God i bosim histori bilong mekim nem bilong Em yet i kamap bikpela. (1) Habakuk 3:1-19.
Habakuk i daunim em yet na Em i laik God i mas kisim biknem.
Ating yumi no olsem Habakuk….
Yumi mas tingting long givim biknem long God tasol.
Tok namba 6.
God i bosim histori bilong mekim nem bilong Em yet i kamap bikpela. (2) Habakuk 3:1-19.
Habakuk i holim tingting long ol samting God i bin mekim long bipo.
Taim ol hevi i kamap long yumi, orait yumi mas holim tingting long ol samting God i bin wokim pinis bilong helpim na sevim na lukautim yumi.
Habakuk i senis na em i trastim bosim na kontrolim bilong God.
Gutpela samting na ol hevi i kamap bilong senisim yumi. Dispela em wanpela bikpela toktok bilong Buk Habakuk. God i bosim na kontrolim olgeta samting (ol lain Babilon) bilong senisim ol lain Juda na ol i tanim bel na kam bek long God na bilipim na trastim na bihainim God. God i bosim na kontrolim olgeta samting bilong senisim Habakuk na tingting bilong Habakuk i senis na em i save moa long God na em i lavim God na trastim God moa.
Mi sotim sotim, tasol yu ken lukim olgeta toktok long “Autim Tok” long pngbibleresources.org.
Glenn.
